Kessel, dörp aan de Maas, woë ’t good toeve is. In 1959 wuurd carnavalsvereiniging de Kevers opgerich. Inwoëners van Kessel zien vanaaf dat moment Kevers en Keverinnekes en weej woëne tiedens de vastenaovend in ’t Keverriek.
De vereiniging heat inmiddels zoën 60 leeje, actief in vuul commissies. Ein actief jeugdbesjtuur zurgt der veur dat de jeugdcarnaval leaft en zoë blieft auch os jeugd in Kessel om carnaval te viere.
De vlag:
De vlag van de carnevalsvereinegin
g de Kevers besjteit oët ein roëd vlak met de naam “Kessel” in gael, det aan eine kantj aansjluut aan ‘n greun vlak. ’t Roed vlak geuf ’t Kessels landj aan, de golvende euvergank nao ’t greun vlak geuf ‘t lanjelik karakter met ’t bosriëke gebied van Kessel aan. ’t Roed vlak is doorsjneeje door unne blauwe bandj met eine zjwarte rechthook wat de Maas symboliseert met ’t veur Kessel zo karakteristieke vaer. Vanoët ’t bosrieke gebied trekke twië kevers richting ’t roëd gebied, Kessel dörp. Twie kevers, want Kesselnaere werke in de vastenaoves tiëd gaer same. Veur de duudelijkheid, ’t is ’n vastenaoves vlag. De kleure, Roëd, Gael en Greun zien d’r den aug allemaol in verwerk, aangevuld met de kleure Blauw en Zjwart om de Maas en ’t Vaer te kenne symbolisere die toch van groët belang zien in de Kesselse gesjiedenis.
Wilt geej auch zo'n sjoën Kevervlag?
Dan bel effe nao 06 20401290 (penningmeister) dan kent geej die taege betaling van € 15,- aafhaole op de Karel Appelstraat 19